Author Information
MY MIDDELEEUSE LENTEHUIS
O Lente, bou vir my 'n middeleeuse huis
een ruwe boom ommuur met wildepruim
dek dan 'n dak wat lieflik ruis
van blare en van tortelduif
O Lente, vleg vir my 'n raam
van gipskruid, rose en jasmyn
en voer my sielsdronk met jou saam
na waarword-vistas sonder skyn
Timmer vir my 'n breë stoel
'n tafel met 'n growwe grein
deel ruim van jou ambrosia
en giet vir my geel heuningwyn
Skik teer vir my 'n hoë bed
met narsings en met pers vilet
'n kopstuk van laventelbos
vir droomloos slaap vir Sielekos
O Lente, stuur vir my 'n stroom
na hierdie middeleeuse boom
dat ek Winter se blink forel
meer van m gees se glip vertel
Van hoe ek oor dimensies heen
stroomop na hierdie tyd vergly
na vrugbaarheid en leef en seën
O Lente, ek hoor: jy roep vir my!
O Lente, bou vir my 'n middeleeuse huis
een ruwe boom ommuur met wildepruim
laat kosmosse die pad aanwys
laat my hart sing: "ek's tuis, ek's tuis!"
