Author Information
FAMILIEKERKHOF
(glenheath ruiterbosch dist. mosselbaai)
die wind het uit vrye wil
'n pad gestippel
met die waaisaad
van die jakopregop
vanaf voortuin tot kerkhof
tussen droë stoppels
wat eers kweeksag was
ek volg die roete
lynreg
opslag-spore
deur suisgras
en oor norfolknaalde
struikel oor graspolle
buk stram deur doringdrade
die verlede los skielik
'n tortel
uit 'n verdorde den;
wéérklank
kom sirkel
oor die stilte gespan
oor oupa se marmernaam
'n kénklank:
ja, dيt is dan soos wat 'n soel
laatmiddag voel
in juniemaand ...:
'n sagte, dag vir dag
Vlerkslag
nou reeds geslagte lank
die groetklank
