Author Information
WELKOM TERUG
(vir ouma Issie)
joe-hoe!
ouma se welkomroep
weergalm bult-op
vanaf die breë stoep
weerspreek
die stroefheid van die kerkhof
gebed in pikswart marmer
warmgebak in die winterson
die leë opstal kry opeens
weer lewe
die skoorsteen yl die asem
van die dover-stoof
die witkopkind sluip
uit my koue hart
gaan hurksit in herinnering
se koesterende haard
los op in stoom ...
gister
skielik die koorsdroom
se môre:
ek is terug
