Author Information
Damdamin
Lipad-lipad
Sipat-sipat
Sa Diosang Bulaklak
Pagdaka’y s'ya mong dapo
Simsim kanyang talulot
Nakuha mong ganap
Halimuyak nyang taglay
Sa puso mo’y inalay
Oh, pagsinta mong sanay
Sukdulang angkin
Yakap ay damhin
Pagnanais mo’y tupdin
Tunay bang gayak
Arukin mong lahat
Sarili ba'y tapat
Sari-saring bulaklak
Sa mata mo’y tumambad
Isip mo’y nalingat
Diosang Bulaklak
Lipas sayong ganap
Salita mo’y saluwat
Magagandang Bulaklak
Malusog na hinaharap
Hangad mo’y maganap
Nais mong kamtan
Bulaklak na inaasam
Na ikaw ay iduyan
Oh, ihip ng hangin
Malasakit ay hiling
Damdamin may nalalanta rin.
