Author Information
Kagabi
Folder:
Filipino poems Marahang dumungaw
ang iyong
tipid na ngiti
at malamlam na mga mata
sa likod ng nagbubukas
na bintana ng Vios
habang
nag-uungusan ang aking mga sakong
patungo sa pintuang hayok na nilang tawirin;
kumikirot ang aking likod
dahil sa paghampas sa matigas
at nakapinid na kahoy;
gumagapang ang aking kamay
sa pihitan na minamadaling buksan.
Pagpasok,
humalik ang noo
sa nagngitngit na pintuan
habang pilit tinatanggihan ng isip
ang mapag-anyayang ungol ng sasakyan.
