Author Information
Dahil Mahal Ka
Folder:
Filipino poems Kagabi,
pagbaba mo mula sa Volvo
ay pinagmasdan kita
habang pumapasok
sa mansyon
sa Alta Vista.
Ang sumasayaw mong buhok
na alaga ng rebond sa Ricky Reyes Salon.
Ang maliwanag mong mukha
na kinukulayan ng Revlon.
Ang pang modelo mong katawan
na madalas magbabad
sa Gold's Gym at The Spa.
Pinaliliguan ng Body Shop
at laging yakap ng
Linea Italia,
Calvin Klein.
Bulgari
at Cartier.
Ang laboy mong mga paa
na kapag nagpaparty
ay naka-Louie Vitton
at kapag namamasyal
ay naka-Nike.
Kagabi:
Isinakay ko ang bagahe ng pagkukunwari
sa magpapaalam na chedeng.
Ibinulsa ko namamagang bills
ng VISA at MASTERCARD
at ang nangangayayat kong pitaka.
