Author Information
Yosi
Folder:
Filipino poems
Kay sarap langhapin
ng halimuyak mong
kumikiliti
sa ilong
sa lalamunan
sa dibdib
sa buong katawang nais mausukan mo.
Ingat na ingat ang mga daliri
sa maselan mong balat
habang sinisinsin ka para tumuwid.
(madali raw kasing hithitin ‘pag tuwid)
Marahang ilalapat sa labi
ang matigas na dulo’t
hihithitin
habang kabilang dulo’y sisindihan
at pauusukin
sa pamamagitan ng
pag-puff
ng pag-puff
ng pag-puff
ng pag-puff
ng pag-puff
ng pag-puff
ng pag-----------------puff.
hanggang lumabas
lahat ng usok
at umikli
ang stick.
Tapos
‘pag mahina na ang baga
at filter na lang ang tira
kuha ulit ng bago.
