Author Information
Sestina ng pasko
Folder:
Filipino poems Tumutunog na ang kampanang kaylalaki
Tawag na kayong nakahilata pa
At sisimba na ng labing anim na araw
Tugon sa taunang tradisyon nating Pinoy
Tulad ng parol, Noche Buena’t aginaldo
Ito ay hindi nawawala tuwing pasko
Ngunit kakaiba ang atin ngayong pasko
Gatambak na problema, presyong kay lalaki
‘Di magkandaugaga sa pang-aginaldo
Habang ‘di tiyak kung bonus ay darating pa
Nagdarasal na lamang marami sa Pinoy
Upang maibsan ang hirap sa araw-araw
Dati’y Megamall ang punta sa gan’tong araw
Lahat ay sa mall namimili tuwing pasko
Ngunit nagbago ang siste ng mga Pinoy
Divisoria laban sa mall na kay lalaki
Ito ang tugon sa presyong tumataas pa
Makapamahagi lamang ng aginaldo
Dahil ang pasko ay tungkol sa aginaldo
Magpasaya ng bata sa ganitong araw
Kahit kinakapos na’y mamimili pa
Mapaligaya lang mga bata sa pasko
Ang iba’t ibang regalo na kay lalaki
Nakaugalian nang pamigay ng Pinoy
Kaya’t ngayong pasko maraming mga Pinoy
Magiipon ng barya na pang-aginaldo
Maging mga inaanak na kay lalaki
May handang regalo pagdating niyong araw
At kahit pa mahirap atin ngayong pasko
Lilimutin ang problema’t mamimigay pa
Dahil ang bawat tao ay umaasa pa
Biyaya’y darating sa ating mga Pinoy
Sa labing anim na araw bago ang Pasko
Maraming hihingi sa Diyos ng aginaldo
Na bukas ay maging mas maayos na araw
Mapawi, hirap at problemang kay lalaki
Sa simbang gabi pa, pagasa’y aginaldo
Sa puso ng Pinoy may liwanag ang araw
At ngayong pasko may biyayang kay lalaki
