Author Information
Ang ikalawang ina
Folder:
Filipino poems Hindi ko maalala
Sadyang kay tagal na
Sa isip ang sariwa ay tila
Mukha mong kay sigla
Mura
Masaya
Mayuming mukha mo sa alaala
Pagpasok sa eskuwela
Naghahanda ng baon
Nagluluto sa hapon
Pagmamahal na ipon
Sa’kin lang tinuon
panahon
kahapon
Sa akin na tila iyong ampon
Buhay mo’y binaon
Ngayon sa pagtanda ko
Sa’yo pa rin ang takbo
Maging mga anak ko
Nagaasikaso
Nagpapayo
Sila rin ay mahal mo
Sa pasasalamat ko
Hindi ko maalala
Sadyang kay tagal na
Ngayon ika’y iba na
Nawala na ang sigla
Lola
Tila
Kailangan naman ay ako na
Mag-aalaga sa aking ikalawang ina
