Author Information
Panaghoy sa sinapupunan
Folder:
Filipino poems Ina madilim sa aking kinalalagyan
Ako’y natatakot sa nararamdaman
Hindi pa ako handang magpakita
Sa mundong iyong ginagawalan
Ang bulong ng anghel ako’y kumapit
Mayroong pagsubok na sasapit
Ina bakit tila sumisikip?
Bakit katawan ko’y naiipit?
Ina ika’y naririnig
Nararamdaman mo rin ba ang sakit?
Ina sa hangin ay nagigipit
Tulungan mo ako, hindi na makakapit
Lumuha ang anghel sa dilim
Sabi n’ya ako na ay bumitiw
Hindi ko na raw kakayanin
Ako raw ay hihilain
Ina nasan ka?
Pigilan mo sila sa paghila
Naiipit ako’t di makahinga
Ina? Ina?…inaaah!
