Author Information
Sa apat na sulok ng tahanan
Folder:
Filipino poems Sa apat na sulok ng bahay ko
Mugtong mata akong nakatalungko
Nananalangin na sana’y dinggin
Mga humihikbi kong saloobin
Pag-ibig na sumira sa tinik na bakal
Pusong tinubigan nagpausbong ng buhay
Sariling hinayaan na bigyang kaligayahan
Ngayo’y lugmok sa dusa ng karimlan
Lumisan ang liwanag taglay ang pag-ibig
Ang dating hardin ay gubat nang kay dilim
Sa gitna ng gubat nangapa ng tapang
Subalit walang ibang buhay na doo’y makapitan
Sa pagkatalungko’y pinipilit mabuhay
Hinihintay maiunat ang isipan
Ang apat na sulok ng munting tahanan
Nagsilbing bilangguan ng may hangal na karanasan
