Author Information
Pagsilang ng bagong magulang
Folder:
Filipino poems Ang iyong ngiti ay pampawi ng lungkot
Na sa puso ko’y naglagi
Habang hawak ang iyong munting kamay
Pagmamalaki’y ‘di maikubli
‘Di tatapat ang makakatang salita
Sa ligayang dulot mo
Isang sanggol na sa braso ko ay
Nagpalambot ng puso
Ang hagikgik mong kay lakas
Sa tenga ko’y musika
Mga sanggol nga naman sa tao ay
Mga banal na biyaya
Ngunit ang hindi nila alam at ang totoo
May kasabay kang dumating
Sa pagbati mo dito sa aking mundo
May inang isinilang din
