PostPoems Be Artistic. Be Creative. Be Inspired!

may bulungang humihiyaw sa palayan

sampung libong tinig na lalason

sa sariwang hangin ng kanluran

humapo na ang baga't

ngayoy'y muling sinisilaban

nagtatapon na naman sila ng mga binhi

uusbong at tutubo ang dahas

na matagal ring inamo ng luha

ng pagkakaisa

patungong hukay na naman ang kapatiran

ang mga bulsang datirati'y

nakikisama sa asam na kaunlara'y

pinupuno na nila ng bala ng sigalot

naghilom na ang sugat ngunit

ngayo'y magdurugo na naman

itim ang ulap na nagbabanta

sa kanyang kalangitan

kasunod nito ang unos at ang

pagulan ng bala

magdudulot ng iyak at mga sigaw

musmos pa ako noong nasa

kalagitnaan ang kwento

nagkaisip na ng winakasan nila ito

nagwakas na't magsisimula na namang

patayin ng relihiyon ang kapayapaan



sana guniguni lang 'to

sana di na mauulit

sana di magkakatotoo...





Posts: 1767 | Registered: Sep 2000  |  IP: Logged