PostPoems Be Artistic. Be Creative. Be Inspired!

زورة زورة للجيلالي ونزور المقام الغـــــالي

يا مول العودة الجراية روف عليا وداوي حالي



يا راقد فالقبة الخضرة وجناحو يرفرف فالحضرة

جيتك طامع منك نظرة                   روف عليا وداوي حالي



راني مريض نبات نخمم اعزم ليا سيدي اتحزم

ما توخرش عليا اتقدم                   روف عليا وداوي حالي



جيتك قاصد داير النية   والحاجة بربي مقضية

يا الجيلالي دير مزية                    روف عليا وداوي حالي



لي يثقا فالله ما يردو قادر ربي يسقم سعدو

طالب ربي بجاهك عندو                روف عليا وداوي حالي



حباب ربي عندك حاضرين ملبعاد جاوك قاصدين

عبد القادر جاهك زيــــــن            روف عليا وداوي حالي



يا الولي جيتك نزور في يدي جاوي وبخور

ياسيدي راني مضرور                روف عليا وداوي حالي