Home

مفترق/صلاح جاهين

Folder: 
وشايات الميم



Web Counter
christmas collectable












ساعات اقوم الصبح قلبى حزين

اطل بره الباب ياخدنى الحنين



اللى لقيته ضاع

و اللى اشتريته انباع

و اللى قابلته راح و فات الأنين



و ارجع و اقول

لسه الطيور بتفن

و النحلايات بتطن

و الطفل ضحكه يرن

مع ان مش كل البشر فرحانين



حبيبى سكر مر طعم الهوى

فرق ما بيننا البين ما عدناش سوا

حرام عليك يا عذاب

نبقى كده اغراب

ده البعد و الله جرح من غير دوا



آدى اللى كان و آدى القدر و المصير

نودع الماضى و حلمه الكبير

نودع الأفراح......... نودع الأشباح

راح اللى راح ما عدش فاضل كتير



ايه العمل فى الوقت ده يا صديق

غير اننا عند افتراق الطريق

نبص قدامنا

على شمس احلامنا

نلقاها بتشق السحاب الغميق



و ارجع و اقول

لسه الطيور بتفن

و النحلايات بتطن

و الطفل ضحكه يرن





مع ان مش كل البشر فرحانين





صلاح جاهين










View esmat11211's Full Portfolio
  • Login to post comments
  • 320 reads

last updated 11 October 2010 - 3:54pm
©10 December 2002 - 6:45am — esmat11211