Author Information
Ang Tingog
dunay tingog tago sa ilalom sa yuta
dili makita pero madungog ang agungoy
nangayu sa panabang
tingog nga daw himalatyon
nagantos sa kalisod
daw dili sya makaginhawa sa kangitngit
naginusara ug walay kauban
apan bisan pa sa kasakit
dili gayud matugkad ni kinsa
ang hangin sa paglaom
hinayhinay nidaligdig sa yuta
ang sandata sa kinabuhi
kung diin hapit na tapuson
adunay laing tingog na dili mailhan
murag tubig nagtambal sa kauhaw
nagpahilom sa tingog ilalom sa yuta
