Author Information
خانك زمانك
Folder:
my poem عشر اعوام من رحلت ولا عدت ولا مريت
تركتني وبعتني ومشيت خلف اللي خانك
ياما حذرتك وفهمتك ماسمعت ولا رديت
يا ما قلتلك لا تنغر ولا تنسى قلب صانك
اعشقك واموت فيك واحلف غيرك ما هويت
وشلون انت بتنسى وتقسى واني ضحيت عشانك
لجلك رخصت كل غالي وكل الدنيا حبيت
اعطيتك حناني وانت ظالم تحرمني حنانك
تمشي معاهم وتهجرني وعني تخليت
وايش عملوا فيك سكنوا غيرك مكانك
عملوك كالنبتة وفي حضنهم تربيت
كبروك وبعدها كسروا اغصانك
كنت مناي وغلاي وانا لجلك ضحيت
دوم اهنيك ودوم ارفع من شانك
تذكر يوم وعدتني بالحب وليه انت ما وفيت
وينه في الحب صدقك او حتى ايمانك
والحين جيت بدمعك وتقول يا ريت
ومن الالام والعذاب تقول يا رب غفرانك
رجعت وياما انا عشانك صليت
ودعيت ربي يا غالي يعطيك امانك
لكن انت ما حفظت وعدك وعلى قلبي جنيت
وقلت عادي لكن ذبحتك احزانك
دوم اذكرك بالخير وكل شي في البيت
وقلبي يحفظلك ودم وغرام وعمره ما خانك
واخر كلامي,ربي يسامحك بكل شي سويت
واقول يكفيك بالهوى خانك زمانك
