Author Information
غالي يا وطني غالي
Folder:
my poem غالي يا وطني غالي
وكتبته اسمك ع جبيني
اسمك عالي والله عالي
ساكن في قلبي وعيني
يا وطني اغلى الاوطان
يا اجمل ما حملت الازمان
في كل زمان وكل مكان
راح تبقى وطني فلسطيني0000
شمس وقمر وبرضه نجوم
يا ارضي فلسطينية
يا ربي تكبر وتدوم
واوهبلك عمري وسنيني
الروح والدم ما بتغلي عليك
ارواحنا الك هدية
بكل ما بنملك نفديك
ويا ارضي ضلي ضميني000
انتي اطهر انتي اجمل
ارضي يا ارض الايمان
ربي يمهل ولا يهمل
ربي من عنده بيعطيني
بيعطيني ويعطي المظلوم
صبر وايمان بيعطينا
راح ياخد حقه هالمحروم
ويا ارضي ضلي ارويني0000
انا لاجىء صارلي من سنين
وضايع من وطني ومسلوب
ويا ربي وحياة الدين
شرف الشهادة اعطيني
وانا نازح عم عد ايامي
ونفسي اضم تراب بلادي
مسلوبة ارضي واحلامي
وما حدا حاسس فيني000
حلك ترحل يا محتل
راح بنقاوم جيل ورا جيل
من كل جيل راح تنذل
الوطن بيجي بالشراييني
احنا الفلسطينية
ما بدنا غير الحرية
ما بدنا غير دولة ووطن
وهوية باسم فلسطيني0000
