Author Information
رغم الألم بنضل مبتسمين
Folder:
my poem حلوة الحياة ومين ما مات بنعيش رضيانين
جاية الحرية والهوية مع انا محرومين
تبقى فلسطين عربية وع القدس رايحين
وتكرم يا وطني يا اغلى وطن بغني موالي000
رغم الالام والعذاب عايشين متل الكل
كل الشهدا لينا احباب بنقل للهم يفل
كرمال بلدنا نفدي باولادنا حتى يبقي ويضل
ويعيش وطنا عالي علمنا والقدس بالعالي000
مهما ماتوا مهما ضاعوا مهما نفوا الملايين
اكلوا الصخر ابدا ما جاعوا وشو ما صار باقيين
مليون حصار قتل ودمار راح نبقى عايشين
الارض النا والوطن النا والاقصى يا غالي000
ولو دبحتوا صغار كبار والشجر قطعتوه
بتبكي الام دمع ودم على ابنا قتلتوه
بس بعدا قوية تولد حرية للوطن السلبتوه
شو عندا عيد لو مات شهيد ابنا وف بالي000
انتوا موتوا وطقوا وشو ما عملتوا ما بنهاب
كل الارض النا وبس وانتوا فيها اغراب
جاية القدس بدنا رجعها فلسطين احنا اصحاب
كل العالم يشهد كيف ايام الابطالِ000
