Author Information
عاشق عيونك
Folder:
من الشعر الغنائي عاشق عيونك ... يا هوايا
رمشك جفونك ... دي حكايه
خدك ولونك ... قمرايه
يا عيوني ما تيلا خوديني
من قلبها الحلو إسقيني
الشوق ف قلبي وف عيني
دي نظرة منها تهنيني
عاشق جمالك وجنونك
ما إنتي الأمل وإنتي منايا
عاشق عيونك يا هوايا
رمشك دا غنوة موالي
جاوبته أول ما نادالي
غزلت شوقي بمغزالي
غنيت له غنوة وغنا لي
وإرتحتي من كل ظنونك
ومشاعرك الحلوة معايا
عاشق عيونك يا هوايا
خدك يا عيني آه علي خدك
وخفة النسمه ف قدك
أنا والله ما أقدر علي بعدك
أسير هواكي إنتي لوحدك
إزاي أعيش أنا من دونك
يا أحلي زهرة ووردايا
عاشق عيونك يا هوايا
بسرح كتير قوي ف عيونك
وأرتاح وبحلم ف سكونك
ف عيوني شايلك وأصونك
مقدرش أبعد أو أخونك
عايش معاكي والكون كونك
وإنتي أرضي وسمايا
عاشق عيونك يا هوايا
