Author Information
يللا يا قلبي .. عبدالله عبداللطيف
Folder:
من الشعر الغنائي يللا يا قلبي زي زمان
يللا نودع .. الأحزان
ونعرف م الفرح العنوان
يللا يا قلبي زي زمان
إيه خدناه من حزن إمبارح
غير الهم .. ودايما سارح
حتي الدنيا طعمها مالح
نفسي أشوفك يوم فرحان
يللا يا قلبي زي زمان
إفتح قلبك يللا إتنفس
أخرج من همك إتشمس
ولأملك خليك متحمس
تبقي صحيح قلب لإنسان
يللا يا قلبي زي زمان
إهدم سور اليأس وعدي
تلقي الدنيا بلونها الوردي
وشجر الحب جميل ومندي
تلقي الفرح أشكال وألوان
يللا يا قلبي زي زمان
عدي جراحك منها وفوت
دي الأحزان بالظبط تابوت
من غير حب يا قلبي تموت
حب يا قلبي تعيش ف أمان
يللا يا قلبي زي زمان
