Author Information
يا ليلة طولي .. عبدالله عبداللطيف
Folder:
من الشعر الغنائي يا ليلة طولي .. وطولي طولي
يا قلوبنا غني .. وقولي قولي
كل الحبايب هنا جولي
متجمعين .. عقد ولولي
يا ليلة طولي
وقمرنا سهران ويانا
بيسمع الدنيا غنانا
رقص وغني وهنانا
فرحان منور ف سمانا
كمان نجومه رقصوا لي
يا ليلة طولي
والدنيا فاتحة لنا أحضانها
جت ناسية كل أحزانها
نعيش ونسهر ف أمانها
الفرحة أهو هل آوانها
علي الدفوف بقي دقوا لي
يا ليلة طولي
يا ليلتنا .. يا ليلة جميلة
كل الفرح فيكي يا ليلة
متجمعين .. كلنا عيلة
بنغني ونقول هيلا هيلا
كل الحبايب غنوا لي
يا ليلة طولي
وبالنا رايق كدا علي طول
وفرحنا واصل موصول
يا ليلتنا برضه ومهما تطول
قلوبنا سهرانة وبتقول
والسهرانين برضه قالوا لي
يا ليلة طولي وطولي طولي
