PostPoems Be Artistic. Be Creative. Be Inspired!

يا قلبي يا عصفور

طاير ف دنيا الحب

والدنيا بيك بتدور

موانيها من غير قلب

                           يا قلبي يا عصفور



بتطير تعدي بحور

رغم الجناح مكسور

عاوز تعيش في النور

لا أسير ولا مأسور

                         يا قلبي يا عصفور



عديت علي جنينه

فيها الزهور ألوان

قلت أرسي علي مينا

ألاقي فيها أمان

وقمرها بدر بدور

                        يا قلبي يا عصفور



وفتح النوار

والحب نادا لك

وف آخر المشوار

الحب غني لك

حسيت بأحلي شعور

                       يا قلبي يا عصفور



شعور علي جديد

يا حلاوته يا جماله

أكيد دا حب أكيد

دايب في مواله

قلبي بقي أمور

                   يا قلبي يا عصفور