Author Information
يا إبتسامه .. عبدالله عبداللطيف
Folder:
من الشعر الغنائي يا إبتسامة قلبي يا أحلي إبتسامه
ياما حبيتك وياما إشتقت ياما
إمتي يرويني حنانك
قلبي حبك .. ولا ملامه
يا إبتسامه
واخده قلبي وطايره فوق
بتطلعي م الليل شروق
وبترسمي حلمي الجميل
غازلة حلمي بأحلي شوق
معاكي بعرف لابتسامه
يا إبتسامه
من زمان بتمني أقابلك
أعيش حياتي ف ضي حبك
كنتي صورة ف الخيال
ياما .. ياما مشيت ف دربك
كنت مشتاق لإبتسامه
يا إبتسامه
قلبي يا سهران ليالي
بإبتسامتك يهدا حالي
أطير يا قلبي في العلالي
يا إبتسامه شاغلة بالي
ومالية قلبي لابتسامه
يا إبتسامه
يا عذابي وفرحتي وكل منايا
يا إبتسامه يا غنوة هوايا
قلبي عندك م البدايه
وف عيونك كل الحكايه
فيها أحلي إبتسامه
يا إبتسامه
