PostPoems Be Artistic. Be Creative. Be Inspired!

بينا نحلم ببكره

بينا نحلم بينا

نحب ولا مره نكره

ونغني أغانينيا

بينا نفرح نغني

أملنا هناك مستني

                                 بينا نحلم بينا



دي زهور الحب ف قلبي

طارحة فل وياسمين

جاية بتعلن عن حبي

مين زيي فرحان مين ؟

بكره نحقق أمانينا

والفرحة تزيد ف عينينا

                           بينا نحلم بينا



يا غناوي تعالي يا غناوي

هاتي بكره في أجمل غنوة

إحكي ع الحب حكاوي

دنيتنا جميلة وحلوة

ع الأمل الحلو جرينا

علي جسر الحب مشينا

                              بينا نحلم بينا



يا ليالي حلوة تعالي

نسهر وياكي ليلاتي

وسيبيني ويا خيالي

أحلم بحبيبي يوماتي

يا ليالي يلا خدينا

للحب خدينا خدينا

                     بينا نحلم بينا