Author Information
يا سكوت .. عبدالله عبداللطيف
Folder:
أغنيات للوطن يا مدينه ماليها الموت
يا شوارع تايهه ف بعضيها
ودروبها الوحل مغطيها
والناس ف الصمت تموت
وآآآآآآآآآآه .. م الموت ف الصمت
عمره ما كان موت
يا سكوت .. إيه خدناه منك
يا تموت ... يا نموت
حتي الحواديت
حرمنا نقولها لبعضينا
ونسينا حكمة أسامينا
جهاد .. تبقي جي جي
عادل .. يبقي دوله
محمد .. يبقي ميدو
نضال .. تبقي نانا
آه يانا ... آه يانا
م الغيظ راح أموت
وأقتل جوايا الصمت
يا سكوت
إيه خدناه منك
يا تموت
يا نموت
