Author Information
كدابين .. عبدالله عبداللطيف
Folder:
أغنيات للوطن كدابين .. كدابين .. كدابين
هما دول يا مصر هما الكدابين
إللي باعوا تراب بلدنا
إللي تاجروا ف قوت ولادنا
إللي طاطوا الروس ذليله
إللي باعوا ثمار جهادنا
هما دول يا مصر هما الكدابين
يما شوفي حال ولادك
ليه يا مصر يطول سهادك
فين صلابتك فين عنادك
فين رايات نصرة جهادك
اهزمي يا مصر كل الكدابين
مين عدوك .. مين صديقك
فتحي .. وخطي ف طريقك
مين يا مصر يخاف عليكي
إحنا .. ولا المحتالين
الكدابين الكدابين
يا بهيه إحنا ولادك
والمصانع عامره بينا
ف الغيطان إحنا خضارك
يلا قومي خلاص صحينا
ضد كل الكدابين
إحنا إنتي .. إنتي إحنا
قومي نطفي نار جراحنا
نكتب النصر .. بكفاحنا
بخط ناصر المبين
ننتصر ع المحتالين
الكدابين الكدابين
