Author Information
النبوءة
Folder:
أغنيات للوطن يا مدينتي .. يا جزيرتي البعيده
كنتي .. من لحظة سعيده
ليه بتقسي ع الولاد ..
دول ولادك
ليه بتسقيهم مرار
من عنادك
يا مدينتي .. يا شريده
يا للي كنتي يوم .. سعيده
الحقيقه .. الحقيقه منا تاهت
يوم ما شالوا من قلوبنا .. إسم ليكي
وطولو الليل .. عليكي
وزرعوا فينا شيء إسمه خوف
وإنتي راضيه يا مدينتي ..
بإللي حاصل
والسكات أصبح طبيعتك
ياللي ف صمتك تنطقي
تتحركي
راجعه تاني بسمتك
ضحكتك .. صرختك
زعقتك
لجل ما تحطم ف ليل الوهم صمتك
يا مدينتي
يا مدينتي
