Author Information
الشغالين
Folder:
أغنيات للوطن
الغلابه .. الفلاحين
طرف تايه ف المعادله
يعني لا يمكن هتوصل
بالنظام دا لنتيجه عادله
الغلابه ..
دول غلابه
ما لهمش رأي في المجادله
ما فيش مشاوره
رز ريهو هتزرعوه
والنظام هو المزارعه
دا رأي طبقه
وطبقه حاكمه
أما إنتم محكومين
يا غلابه يا فلاحين
وإنتوا برضو المسئولين
&&&&&&&&&&&
وعمالنا الشغالين
التعبانين العرقانين
مش مهم
لما يولي الدعم عنهم
ولا تخصم من أجورهم
المهم
لانتاج يزيد
لاسعار تزيد
والفايض
ما تسألوش عليه
دا رأي طبقه
وطبقه حاكمه
أما إنتم محكومين
يا شغالين يا منتجين
وإنتو برضو المسئولين
&&&&&&&&&&
والشعب صابر
الشعب ساكت
لاكن في يوم هيهب هبه
حبه .. حبه هتبقي ثوره
لإن دول الشغالين .. التعبانين
العرقانين .. المنتجين
وهما برضو المسئولين
