Author Information
الواد شحاته
Folder:
اغاني ٣
الواد شحاته
واقف في زورها
خيال مآته
فاكرها لسه
ضلعو اللي قاصر
تخاف جنونو
و نار ظنونو
عاوزه رضاه
شاريه سكاته
*
يا واد ما تصحا
بص الحقيقه
و شوف مراتك
حالها تغير
حتى عيالك
آدي بتكبر
و خوفها زي
الإزاز تكسر
ح تخش دنيا
بخطوه جريئه
لا لأ تنفع
و لا منع يردع
و كل واحد
ولوه طريقه
*
الواد شحاته
عمرو ما يسمع
غير صوتو هوه
لما يلعلع
قلبي عليه
لو فاق في يوم
على جرح يوجع
حيلاقي روحو
لوحدو يا عيني
و كل حاجه
منو مضيع
*
آدي الحكايه
في كل حته
ما تقلش لأا
شحاته مش انتا
المرايه شايفه
جواك كويس
و طبع المرايا
شايفه و ساكته
الحريه فينا
مش اكتساب
او افتراض
برهان و قاطع
حقيقه باته
