PostPoems Be Artistic. Be Creative. Be Inspired!

- لا تكتبي عن ضو
طالع ب فجر ال لو
شوفي المرايا كلها
يامكسّرة .. يا مغبّرة

- بكتب لكن عن عتم
عن ظلم خلا الحلم
متل الولاده القيصريه
ال جرحا بيشقّ الخاصره

- شبعنا شعر موجوع
صوت البكي مسموع
مدري رخيصه دموعنا
مدري القصيده تاجره

- بكتب أمومه مقدّسه
بالحب أول مدرسه
ما عندها دفتر حساب
وهيي القلم والمحبره

- نسيتي كم رحم انحرم
يعيش الفرح بلحظة ألم
حروفك رح تزيد الوجع
بدم القلب شو معفّرة

- شو رأيك اكتب شعر
عن حب وجنون وسهر
وألف اغاني مدوزنه
عمرا بعقل مو خاطرة

- بيكفي اغاني مزوزقه
شبعنا كزب.. حاجي بقا
صبح ومسا هالثرثره
بصف الحكي شو شاطرة

- وعدي الك اسكت خلص
سكّرت ب وشّي الفرص
لابد ما سكوتي شي يوم
يخبّر شو يعني شاعره