Author Information
هالقد بتحبو
Folder:
اغاني ٢
هالقدّ بتحبو بعد هالقدّ
هالقدّ حاملّو يا قلبي ودّ
هالقد عم تنطر ع جمر النار
ومرات مستنّي بعز البرد
هالقدّ شايلو قصص وخبار
هالقدّ كاتبلو قصايد ورد
هالقدّ حْباب ال الك شو كتار
وما يضلّ في غيرو بوقت العدّ
‘‘‘‘
بالشوق شو رسمتو
ت اللون رفّ وطار
وردة غوى زرَعتو
عطرو جناين صار
لا تسألو لو شفت
كيف زهر الجلنار
وحدو ما خانك يوم
وضل الوفي للوعد
‘‘‘‘
لا تزعل ان طوّل
وعنو ضل اسأال
لو مرقت الأيام
والحال نفس الحال
معليش هيك خليه
متل الحلم بالبال
بلكي الحلم شي يوم
هيكي بيقلب جد
