PostPoems Be Artistic. Be Creative. Be Inspired!

#أغاني

بتقلّي من بعد الحبّ 

والشوق ونيران القلب 

خلّينا رفقا 

يعني انّي شوفا عادي 

وما غار عليها بزياده 

وما ضمّا سرقه

وما واعدها وشو تتأخر

ولا عيوني كرمالا تسهر

تغازلها برقّه

********************

وبدها انسا انها حلمي

 انكر او خبّي

وناديها بإسما بلْا نغمه

وبلَا لهفة حبّي

وطفّي النار اللي حاسسها

ومتل الرفقا لو المسها

ما يرجف قلبي

يصير الحبّ اللي عشناه

وقصر الحلم اللي بنيناه

حروف ع الورقه

********************

صعبه عليي يلّي كنتي

روحي ووجداني

كون رفيقك وانتي تكوني 

مع حدا تاني

فيكي تروحي وعني تغيبي

وتمحي يوم ال كنتي تدوبي

اختاري نسياني

ولو حتى حبيتي غيري

رح تبقي أشواقي و عمري

وحبّك رح يبقا

********************