PostPoems Be Artistic. Be Creative. Be Inspired!

بدّي العب والساحات تعبّت دمّ

بدّي أمي أشبع منها شمّ وضمّ

عم اخجل من دمعك يا خيي السوري اللي ما عندك أمّ

بدي ابني وعلّي قصور

من الرمل ويغمرني النور

وخوفي هالبحر الغدار

ياخدها .. يمحّي السطور

وتبكي الاحلام اللي كانت

متل القشّ.. سرب طيور

بدي وبدي وشو ما بدي

ايدي بإيدك وقت الشدّه

بتبقا رفيقي ومهما صار

قلبك شمس تدفّي بردي

ل نغنّي بالصوت العالي:

يا سوريا عزّك مجدي

بدي تطيرني المرجوحه

ضحكة طفل تداوي جروحا

شوف الدنيا بأهلا أحلى

شبابيكا كلا مفتوحه

العداله المحبة السلم

وحدن رح بيعلّو صروحا