Author Information
بطلت حبك
Folder:
اغاني ٢
بطّلت حبّك اي
ما عاد تبعتلي
مع طيور السما تزكار
ما عاد تشلحلي ورد
من فوق سور الدار
وتوشوش الجاره حكي
اللي بتفضح الأسرار
*
بطلت حبك.. روح
شوك الصبر ناعم
بروحي بقي علقان
صرلي عمر بخفيه
وسكّت وجع السنين
بِ غفوة النسيان
صار الوقت ارتاح
من عتمة اللي راح
وشوف الدني ألوان
*
ياما قلت
عطيني وقت
ندمان قلبي وتاب
وعدك تلج ما أبيضو
يغطي على سنيني ال مضو
واليوم تلجك داب
كل جرح في بعدو جرح
وتعبت عم رشّ الملح
بس ال جرح ما طاب
