Author Information
لما الحنين يجن
Folder:
اغاني ٢
لمّا الحنين يجنّ
و آه البعد بتعنّ
و الشوق لّما يجوع
لا تسكّتو بكمشة حكي
أو تردعو: عيب البكي
بتزيد نارو ولوع
لا تعلّمو فنون الصبر
ولا ترسمو لون و شعر
و لا تغيّر الموضوع
الشوق ال ربّيتو طفل
تمرّد على قهر العقل
وكسّر حبس الضلوع
اترك حنينك ع هواه
ياخدك و امشي وراه
لو كان دربو طلوع
يمكن ع غفله هالوقت
يسكت و يطول السكت
و يندم صبر مجموع
