Author Information
يا عيني عليك
Folder:
دندنة
#مراهقة
يا عيني عليك لما بتمرق
من جنب الباب
نظره ع الطاير عم تسرق
مستني جواب
تسأل عن قصه خطرتلك
ولا كلمه بردّي وصلتلك
عيونك باللهفه بتقللي
انك كزّاب
عيونك باللهفه بتقللي
انك كزّاب
ويا عيني عليي لما تتلفن
بدّك خيي
تسأل عن حالي وتطمّن
بكل حنيّه
انا متلك غرقانه بحبّك
وبحلم عمري ابقا قربك
صوتي بيفضحني ومابعرف
شو صار فيي
صوتي بيفضحني ومابعرف
شو صار فيي
ويا عيني علينا بليالينا
نسهر بالشوق
لا قدرنا نقول ولا خبينا
ولا طلنا ندوق
ايمتا قللي رح نتلاقا
وتهدا هالنار المشتاقه
وما يضل بقلبي وبقلبك
الحب المسروق
