Author Information
وش الصبح بيرجعو
Folder:
دندنة
لا يحزنك نزف الجرح
و تصيح آآآه ما أوجعو
الليل اللي بيسرق فرح
وش الصبح بيرجعو
ومهما خيطانك شربكو
وعيونك بحرقه بكو
لابد ما بسمة أمل
تفتح الك باب انقفل
وكلشي افترق رح تجمعو
************************
وان داق بِ وشّك درب
بالحبّ وحدو وسِّعو
وان هدّك بيوم التعب
بكرا أكيد تودّعو
خلّي القلب وسع المدى
عمرك مع الصبح ابتدا
ورده وفراشه مزوّقه
وفرحه بإيدك تخلقا
ونورك بصدرك مطلعو
