Author Information
اثر الفراشه
Folder:
دندنة
مرقتي بحياتي متل حلم النَوْم
وبعدي انا جوّا الحلم غفيان
بعدا عيونك سودا بلون الليل
وبْبحرها بعدو القلب غرقان
ماقدرت من حلمي شي مره فيق
ولا سما عيونك غيّما النسيان
مرقتي متل نسمة ربيع
ومتل الفراشة ع زهر عمري
مرقتي فرح داوا الجرح
وصرتي الحنين ال غلّ بِ صدري
وبعدو بكل مطرح اثر
وعطرك كأنو الروح عم يسري
اللي قال بعّدتي وتركتيني لحالي
ما شافك بقلبي.. بعيوني.. وببالي
مسكون فيكي وساكنه فيي
وذكرى هوانا مخيمه عليي
ومتل الكأنك هون
يا روح تملا الكون
معقول صرت بغيبتك مجنون
بتخيلك جنبي وطيفك حواليي
معقول عم عانق انا خيالي
