فيس بوك

 

 

لا خوف علينا ولا نحن نحزنون

نحنا امة عريقه غميقه من طول عمرنا

واجا الفيس بوك طالع بترول ابداعاتنا وفجّر  مناجم ماس مشاعرنا.. و طالع مخزوننا الادبي

كل واحد فينا اديب..  و مطبوعاتو بتشهدلو

كل واحد فينا فنان..  بس ما حدا كان منتبهلو


نحنا أمه تضاهي الامم بسيولة كلماتها وادرار حليب صورها وبياناتها..  وصوره من شاعر بيبني عليها شاعر تاني قصيده..  وبيسرقها تالت ويربو عدد الاعجابات ويزيد..  عظمه علي عظمه..  وفخامه..  والمجد العالي للكلمه


شو صار

بخمس طعش سنه فيسبوكيه..  اختلط الحابل بالنابل بهالأمة العربية..  وما عدت عرفت مين بالأول ومين ورا..  مين فوق ومين تحت.. واللي عم يقلولك الكلمة رسالة والله عايشين بمدينة فاضلة ومو شايفين شي. 


شو الحل

ولا شي

رح نضل ننادي ع كل قصة وقصيده ببازار الفيس بوك

ورح نضل نكبس زر التعازي وزر التهاني بنفس اللحظه..  ونكذب على بعض..  عفوا نتجمل على بعض بكل لطافه واماني طيبة. 


كاس صباحكن

View ثناءدرويش's Full Portfolio