مجاذيب

 

 

كانو يسمو الدروايش المتصوفة اهل الجذب

لأنهن من كتر ما شافو رؤى انجذبو للسما

بس المطب الأكبر انهن طلعو و ما عرفو يرجعو

صارو يشوفو الدنيا صغيرة من فوق

يعني مو بحجمها الطبيعي

ويحسوها تافهة و بلا قيمة و يستعجلو الرحيل منها

و يتطلعو متل ما الرب بيطلع من عرشو عالكل

عندهن مفاتيح خزائن المعرفة .. 

و يحتقرو الجسد و المادة عموما

اما الجنس فلعنة اللعنة .. لوثة و تلوث

بمعنى اوضح احاطوا نفسهن بوهم الخصوصية والاصطفاء

فصار المريد بحضرتهن يحس انو مسلوب و ناقص

 

للتوضيح انا ماني صوفية و لا حبيبي الرومي و لو سمّو احد الطرق بإسمو

حتى هوي بيذم الصوفيه بقصة المتصوفين اللي اكلو حمار رفيقهن بعد ما نام

 

العرفان شيء اخر تماما

فكيف بمقام الجهل :)

 

2014

View ثناءدرويش's Full Portfolio