تصالح

 

 

يا زلمه .. كلما سمعت حدا عم يقول .. انا متصالح مع حالي

بحس آية الحسد نزلت خصيصا عني .. واني تجسيد ناطق للحسد.

انو يعني كيف متصالح مع حالو و انا لأ

طيب ايمتا تصالح وكيف وليش

يا ترى نام وفاق لقا حالو متصالح

ولا دخل هو وحالو ع غرفه مغلقه وقدم كل واحد فيهن تنازلات ووقعو معاهده غير قابله للنقض

ولا حالو لا بيحل ولا بيربط و وجودو وغيابو سيان

طيب ليش حالي ما بيرضى يتصالح معي

قولكن لأن افكاري بتوجعلو راسو و عطول تعبان من النق اللي ما بينام ولا بيخللي حدا ينام

عكل .. كل اللي تصالحو مع حالهن طلعو مصلحجيه .. سألوني انا "الحسوده"

View ثناءدرويش's Full Portfolio