PostPoems Be Artistic. Be Creative. Be Inspired!

[Sorry, no English translation available :(]



Manunugtog ay nangagpasimula'

At nangagsayawan ang mga mitya'

Sa mga padyak parang magigiba'

Ang bawa't tapakan ng mga bakya'.



Kung pagmamasdan ay nakatutuwa'

Ang hinhin nila'y hindi nawawala'

Tunay na hinahangaan ng madla'

Ang sayaw nitong ating inang bansa'.



Dahil sa ikaw mutyang paraluman

Walang kasing-ganda sa dagat silangan

Mahal na hiyas ang puso mo hirang

Ang pag-ibig mo'y kay kirap kamtan.



Kung hindi taos ay mabibigo

Sa mga pagsuyong iniaalay.



Kung hindi taos ay mabibigo

Sa mga pagsuyong iniaalay.



Halina aking mahal

Ligaya ko ay ikaw

Kapag di ka natatanaw

Ang buhay ko ay namamanglaw.



Halina aking mahal

Ligaya ko ay ikaw

Kapag di ka natatanaw

Ang buhay ko ay namamanglaw.



Kung may pista sa aming bayan

Ang lahat ay nagdiriwang

May litson bawa't tahanan

May gayak pati simbahan

Paglabas ng Santa Mariang mahal

Kami ay taos na nagdarasal.



Prusisyon dito ay nagdaraan

Kung kaya kami ay nag-aabang

May tumutugtog at may sumasayaw

Mayrong sa galak ay napapasigaw

Ang pista sa bayan namin ay ganyan

Ang saya tila walang katapusan.