Author Information
تعوّدت عليكِ
تعودت عليكِ
وبحب دلعِك
أحضنِك
بوسِك
من راسِك
لكعب اجريكِ
و ضيع بسما عينيكِ
تعودت عليكِ
و بحب شوفِك
كل لحظه
كل ساعه
كل يوم
بس نام
و بس فيق من النوم
تعودت عليكِ
و بحب لاعب شعرك
الحلو الطويل
و بحبك
بعد التنعش بالليل
تحكي ؛
و شو حلو صوتك
تعودت عليكِ
تنامي عاصدري
و تمر الساعات
من غير ماندري
و كأنا لحظات
تعودت عليكِ
بس مش قادر قلك
اني بحبك
شو قولك
لأني
تعودت عليكِ ؟؟؟
يا ريتني نايم على زندك
على صدرك
على كلك
تدفيني و دفيك
كون انا بحضنك
و كون ضا يع فيك
و انا عايش معك
و احلا كلام
قبل ما نام
بهمسو بمسمعك
انا يا عمري مش هيك
بس هيك معك
شو قولك
لأني تعودت عليك
بحبك
و من سنين
مشتاق قلك
اني بحبك
من سنين بحبك
يا أحلى عينين
مشتاق شوفك
مشتاق ضمك
من سنين بحبك
و حبي الك
أحلا عاشقين
و أنا الك
شوق و حنين
من سنين
بحبك
و دايما انت معي
بقلبي بفكري بلساني
انت معي
بفرحي بشوفك
بأحزاني
قاعده انت معي
بدمعه من دموعي
بشوفك
و برجع ببتسم ثاني
لأحلا أنسانه
كلمات: بلال المعلم
(( * ))بلهجه لبنانية
