Author Information
سيب قلبك يهواني
Folder:
من الشعر الغنائي سيب قلبك يهواني
هيلاقي عندي هناه
كفايه عليا زماني
غلب قلبي معاه
دا أنا قلبي يا عيوني
راسي ف بحر غرامك
مهما الناس يلوموني
بيغني لي كلامك
يا ساكن وجداني
سيب قلبك يهواني
سيب قلبك ما تخافشي
جوه عيوني هشيله
غير حبك ما اعرفشي
إنت إللي بغني له
إوعي ف يوم تنساني
سيب قلبك يهواني
وزماني إللي حارمني
من فرحتي بهواك
خلاك ليه تقابلني
وأحبك وأهواك
من حبك آه ياني
سيب قلبك يهواني
صدقني حبيتك
وصبحت إنت منايا
من قلبي إتمنيتك
إمتي تعيش ف هوايا
يا دليلي وعنواني
سيب قلبك يهواني
