Author Information
ما تقوليش لأ .. عبدالله عبداللطيف
Folder:
من الشعر الغنائي إن جيت للحق
غرقانة ف هواك
ما تقوليش لأ
دا أنا قلبي معاك
قلبك دا بحر وأنا الموجة
مشاعرنا واحدة وممزوجة
ولا الشيكولاته ولا النوجة
ما تقوليش لأ
قلبك دا شط وأنا الرملة
عواطفنا دايما متكاملة
وحياتنا حلوة أوي وسهلة
ما تقوليش لأ
قلبك دا ضلة وأنا النسمة
شفايفنا دايما مبتسمة
إنت النصيب وأنا القسمة
ما تقوليش لأ
قلبك دا شجرة وأنا الثمرة
إنت سمايا وأنا المطرة
إنت البستاني وأنا الزهرة
ما تقوليش لأ
ولا تقدر يوم تبعد عني
دايما مع بعض وبنغني
ومعايا هتعيش متهني
ما تقوليش لأ
