لما ابتدينا نغني

لما ابتدينا نغني

قولنا بحبك لا

قالوا علينا بنحلم

الحلم حققناه

إحنا اتولدنا بنضحك

إحنا أمل وحياة

إحنا أمل وحياة



الغنوة بالنسبة لنا

عالم بلا أسوار

كل الزهور حقيقية

والفجر والأنوار

وما فيش سما صناعية

ما فيش غيوم وسحاب

ما فيش دموع وعذاب



جبنا لغنوتنا

زهور جناينا

ضحكة طفولتنا

أول أمل لينا

جبنالها إحساسنا

كل مشاعرنا

أصدق تجاربنا

وحلم عاش فينا



حانغني للعالم

على طريقتنا

نخلق بغنوتنا

دنيا من الأنغام

دنيا من الأحلام

في وسط كون حيران

عشنا أمل وحياة



الغنوة معبدنا

وقلوبنا فيه شموع

بنحس من غيرها

أجسادنا من غير روح

وفيها أوطاننا

وركننا الدافي

وأرض أحلامنا

عايشة وبتنادي



حاتمر بينا سنين

تتغير الألوان

تتفتفت الأوهام

يمكن نكون عايشين

حاييجوا ناس تانيين

نفس المكان واقفين

في ليلة تحت الضوء

حايغنوا حلم جديد

حايغنوا للعالم

على طريقتهم

ويعيشوا دنيتهم

دنيا من الأنغام

دنيا من الأحلام

وف وسط كون فرحان

حايغنوا للإنسان



لما ابتدينا نغني

قولنا بحبك .....

كان سهل جداً نكدب

لكن بحبك .....

إحنا اتولدنا بنحلم

الحلم حققناه

الحلم حققناه





كلمات: هاني زكي

ألحان وتوزيع: هاني شنودة

غناء فرقة المصريين

1980

View wnature's Full Portfolio