Author Information
حرب
Folder:
أغاني
أغاني
#حرب
كنّا قبل الحرب
عيله من أمّ وأبّ
ببيت دافي عشنا
تلات بنات و شبّ
عالطيبه تربّينا
عم يجمعنا الحبّ
بيّي بنوبة قهر
وقّف قلبو و راح
و امّي بعدو غابت
ما بقيلا جناح
خيّي أخدو البحر
بمركب بلا ملّاح
اختي الأصغر منّي
راحت برصاصة طيش
و اختي الأكبر منّي
انذلّت حتى تعيش
والبيت الدافي صار
دمار و تعفيش
بكل بيت ابن استشهد
بكل حيّ جرح مفتوح
و وحدي بقلب المشهد
عم غني فكر و روح
يبقا الحبّ معبد
قادر يداوي جروح
