أمل

Folder: 
عطر ولون

 

عَ علمي في عندي أمل

ربّيتو بِ قلبي طفل

معقول غافلني و شرد

او  راح بِ نوبة زعل

أو ضاع مني بهالدني

ولا عاد عن أمّو  سأل

ان لاح دغري بينعرف

سحر الحلا رقّه وخجل

شعرو سناسل من دهب

عيونو خوابي من عسل

و يا ريحتو طيبة هلي

ما في متل ريحة أهل

لابس قميص من الزهر

مهفهف على مهلو انشغل

صوتو نغم سيكا وعجم

روحو اسم الله انفعل

ع الأرض ل يعمّ السلم

خير ومحبه مع عدل


ع علمي في عندي أمل

ليلة قدر.. قلب وعقل

ان راح شو بيبقا الي

الا الوهم باب انقفل


.. 

View thana-darwish's Full Portfolio