Author Information
ناطر
Folder:
أغاني
صرلو عمر ناطر
هالقلب عالطرقات
بحلمو عم يسافر
وعم يغزل حكايات
كلما مرق خاطر
عم يكرجو الدمعات
ياما سأل عنَّك
غناني الحصادين
ليالي الشتي والبرد
الريح وورق تشرين
وياما حلم انَّك
جايي مدري منين
قال الورد: شفتو
والحال نفس الحال
وقال الندي: ياما
رسمِك قمر بالبال
وقال النهر: غنى
حبّو الِك موال
رح ضل استناك
بالشوق واللهفه
تغمر برد هالعمر
بايديك وتدفّي
قلبين ضلو سنين
يستنّو هالصدفه
